Tukuy mamallaktakunapi shuk hunu yalli unkushkakuna tiyan, Estados Unidosmi ashtawan unkushkakunata charin; 270.473, kipamanka Italia 129.827, katin España, Alemania, China, Francia.
Chay tukuy unkushkakunamanta 58.382 wañushkakuna, Italiapi ashtawan wañushkakuna tiyan, kipaman España, Francia, Reino Unido, Iran, China, Nueva York.
225 waranka alli tukushkakuna.
Banco Mundial 20 hunu dolartami Ecuadorman mañachikrin.
Kay kullkika kay llaki unkuypami kan nirkakuna. Kaytaka Ministerio de salud, Finanzas shinallatak Organizaciòn Panamericana de la Salud yanapaywanmi pakatachishka, nin.
Imashinatak Ecuador katikun kay llaki unkuywan: 3368 unkushkakuna tiyan, kaykunamantaka 20 watamanta, 49 watakaman ashtawan kan. 145 wañushkakuna, 71 unkushkakuna hampina wasikunamanta hampirishpa llukshishkakuna.
COTACACHIMANTA WILLAYKUNA
Punchan punchanmi cotacachimanta GAD Municipal, COE Cantonal mikunata karanakun rukukunaman, imatapash mana charikkunaman.
Shinallata fumigashpa purinakun, kay punchakunapi kay llaktakunamanmi chayashka: Yambaburo, El Batán, San Pedro, Azaya, Cercado, Tunibamba, Pucalpa, Peribuela, Quitumba, La Carboneria, Ambi Grande, Ashambuela, San José, shinallatak Intagpi wakin llaktakunapi, Cabecera Parroquial Quirogamanta Cotacachimantapash.
OTAVALOMANTA WILLAYKUNA
Otavalomanta GAD Municipal mañan, mapata llukchikushpaka clorowan, alcoholwan limpiashpa llukchipaychi nin, mapata hapikkunata cuidana kanchik, paykunami ñukanchik wasipi sakirichun llamkanakun. Ama paykuna unkuchun, shina shinapashunchik.
Otavalopi makipuray katikun, Municipiomi paskarka shuk zirma pankata pipash mikunata karankapa munashpaka chayman yaykushpa willachichun, municipiomanta llamkakkuna chaskinkapak yallinka, kay zirma pankapi killkana: donaciones.otavalo.gob.ec Shinallata kayankapak munashpaka, kay yupayman: 096 341 4047
Wasimanta Ama llukshipashunchik mashikuna. Wasipi sakiripashunchik.
USHASHPAKA YANAPASHUNCHIK.
KICHWASHUN tantanakuymi kanchik. Kichwapi willachishpa.
Alliwa Pazmiñomi kapani.
kayakama mashikuna.